بسم الذي أنزل تبارك والأشراح = الله هو القاوي علىكل قاوي
أمقدر الأقدار والرزق بانصاف = يعلم خفايا أدم ومكان ناوي
إن كان تسألني ترى البال منساح = أصبحت سالم من جميع الدعاوي
تيسرت بأمر الولي الردي راح = ومن فضل ربعي يعطبون الأهاوي
هم ربعي آل وضاخ فازوا بالأمداح = لاجا نهار فيه ضيق وعزاوي
سلام ياربع لهم ظل وسناح = ولهم بعال المجد ساس ومهاوي
اللي لهم في قمة المجد مشواح = ولا هم من اللي يخلفون الهقاوي
من كان له ربع كما ربعي أرتاح = ما ضاق باله لا بلته البلاوي
ما حسبوا كثر التجاير والأرباح = المال لاجت موجباته هداوي
الطيب في ربعي كما الصبح لنباح = ابعد ظلام الليل وأصبح ضاوي
وسلام ياربع لهم ظل واسناح = ولهم بعال المجد ساس ومهاوي