وهي في الأمير ماضي بن عايد :

ساقتني القدره ومريـت لـي بيـت = بيت عقـب راعيـه ولـى ربيعـه
لا شفت انا المبنى عقب طيب الصيت = ضاقت على قلبي فجـوج الوسيعـه
يا طول ما دقيت صـدري وونيـت = قومـي خسارتنـا وكبـر الفجيعـه
فلوكان صوت الحي يفطن له الميـت = كان انا يمه قمـت قومـه سريعـه
حكيت له ممـا وطانـي ولا قيـت = واعلمتـه بنـار بكبـدي وليـعـه
لا شك ما تنفـع عرابيـد يـا ليـت = بدر سرى ما عـاد للشيـخ زيعـه
من عقب ماضي وين بذهب وباهيت = ظني مع الاجنـاب بذهـب نزيعـه
كم اعتـق ارقـاب عليهـا تثابيـت = لاصابهـم تنفيـذ حكـم الشريعـه
ولا لا ذبه مـن داوروه الشماميـت = ما تنفذ احكامـه وماضـي شفيعـه
ولا قام فالدعوا تهـاب الطواغيـت = منه..ولا يرضـى لنفسـه هزيعـه
ويشل حمـل مايشلـه جبـل هيـت = لاعجز منه اهـل النفـوس الدنيعـه
ماصار مثل اللي سوات الخراتيـت = لاشفت واحدهم خصيمـه رضيعـه
عقبه اخوانه مـن قمرهـم تقديـت = كنهم قمر خمسة عشـر فـي لميعـه
وردت ظميان على الشـط واسقيـت = ما سقت طرشي للمشـاش ورجيعـه
يوم على السيدين من فعلهـم ريـت = اقفـت طوابيـر السرايـا مطيعـه
وبالعون يا عايد لهـم مـا توطيـت = اقبل لهم مثل الجمـل فـي قضيعـه
ومن حد شرق الهند ليونـس ستيـت = لهم الجميـل وحـن علينـا نذيعـه