ياليل ياللي جذبني نور براقه *** ابروقه السامرة ممسيت اطلعها من مقدم الليل حتى حزة اشراقه *** الناس في غفلة منها وأنا معها السيل من زود وبله كثر دفاقه *** المجحرة من مساكنها يطلعها احيا هشيم الشجر سبحانه خلاقه *** اصناعة ما حدن غيره بصانعها ليكن لون النبات وخضرة اوراقه*** ازهور راعي الورود اللي يجمعها فيه ام سالم تجر الصوت مشتاقة *** اتهيضك باللحون اللي تروجعها يرحل على الذكوراعي الشاه والناقة *** اللي له سنين واشهور يتابعها لول نزل فيه والثاني على الساقة *** من شاف له فيضة خضرا يربعها بيت الشعر فيه مزين مدة ارواقه *** وادلال راعية فالمجلس يلمعها فنجالها العذب يقعد راس من ذاقه *** يسحب لها الجمر وان فاحت يونعها يا حلو فنجالها الأشقر على الفاقة *** من كل الأشكال راعيها منوعها ناس على الطيب والمعروف سباقه *** فعالة الطيب ما تخلف طبايعها عيني لشوف الفياض الخضر عشاقه *** مع كل شيء خضر ربي مولعها لا روح الجيب حدرك كن تصلفاته *** شيهانة فرعت من عقب برقعها يطوي بعيد الريادي حدر سواقه *** البيد كنه ينزلها ويرفعها مضواه ملهوفة للقلب سراقه *** اللي كما مدمع العفري مدامعها اللي تصون العهد ما هيب بواقه *** ادموعها وادعتني قبل اوادعها سبعة شهور وانا اشكي لوعة افراقه *** الستة اللي مضت والفطر سابعها من شانها جاتك الامثال مناسقة *** اسمانها جات والهزلات ارجعها يقول اللي يعرف الشعر واسواقه *** اللي ليا من بغاها ما يضيعها

يـــاستاذ انـا بــوادي وشرحك بوادي***والله لو تشرح ادروسك على اللوح انـــا يتخـــيلـــي عـــريــض الــثنادي***اشقر طــــويل عاتقة تو مــــــطروح فرخ وحش مطروح بارض الحمادي***وافي وفي ظهره من أخوانه مسوح اتـــعب طــــواريــح الشمـال العتادي***وتزاهمــــــــــو عنده ثلاثين طاروح ويومه وصل للسوق فك المهادي***وتـــــــــزاودوا عنده ورا قيمتة جوح وجــــابــه نصيبــي بين ذيك الأيادي***والله عــطانياه مـــن غير سامــــوح هـــــذا هواء قلبـــــــي وهذا مرادي***ماهوب كرسات علــــى غير مصلوح أبغــــي ليـــاهبـت هـــــبوب البرادي***وذعذع علينا غربـي من بـــــعد روح وقــــالــــو ا لقينا جرة الخرب عادي***بين السهول وممسي في ذرا صـــوح ثرة قديـــــم ولــــــه أثاري اجدادي *** وتجينــي أخباره مـــع كل ســــــاروح قدلـــــــه ليالــــــي رابٍ لــــه كدادي***في آخـر شهر قمراه ماتظهر وضـوح لا هـــــــو يتلحــظ جاهــز للــــهدادي***وآنا علـــى هده شفــوق ومشفــــوح نـــاظــرت به تو أول النـــــور بادي***تل السبوق وراح يردم على الضــوح وادلا عليهــــا با الحــــراب الحدادي***وشل الفواد وداغر الخرب مشــــلوح وجيتــــــه ونسرتــــــه بدم الفوادي***وسفطتلـــه دم مـــن فوادهـــا يفـــوح يــــــاستاذ ذاك الــــــيوم أول عيادي***ويـــا ستاذ والله تــو ردت لــي الروح يــــــامـا قطعنــــا من بعيد الــريادي***ويــا ما تعرضنـــا مطبـــات وسيـــوح دنيـــــا عسـاها للـــــبلاوالـــــنفادي***حطت علــى صدري حزازات وجروح ويـــابندر المنصــــــور قافي ينادي***ويذ بلك فـــي عالـــي الرجـــم ويـنوح وزهــــــم ابن منصور سم المعادي***صاحبك ضاق ابه الفضى واثراالبوح